Mahalladagi elektr ta’minoti va tungi yoritish holati o‘rganildi

Xalq deputatlari Termiz tuman Kengashi 8-Tajribakor saylov okrugi deputati, kotibiyat mudiri A. Avliyakulov tomonidan M. Eshtemirov MFY hududida mahalla mas’ullari bilan hamkorlikda o‘rganish ishlari olib borildi.

O‘rganish davomida mahalla hududida aholi murojaatlari va mavjud ehtiyojlardan kelib chiqib amalga oshirilgan elektr ta’minoti va tungi yoritish bo‘yicha ishlarning holati ko‘zdan kechirildi. Jumladan, hududda yangidan o‘rnatilgan beton ustunlar, tortilgan yangi elektr simlari hamda tungi yoritish chiroqlarining o‘rnatilishi va amaldagi holati joyiga chiqqan holda o‘rganildi.

Shuningdek, yangi o‘rnatilgan infratuzilmaning aholi uchun qulayligi, ko‘chalarni tungi vaqtda yoritish darajasi, elektr tarmoqlarining tartibli joylashtirilishi hamda amalga oshirilgan ishlarning belgilangan talablar asosida bajarilgani yuzasidan fikr almashildi.

O‘rganish yakunida aniqlangan masalalarni tegishli tashkilotlar bilan hamkorlikda bartaraf etish, hududda elektr ta’minoti va tungi yoritish tizimining barqaror ishlashini ta’minlash hamda mazkur yo‘nalishdagi ishlarni deputatlik nazorati asosida davom ettirish belgilab olindi.