219-sonli umumta’lim maktabida ta’lim jarayoni o‘rganildi

📚 Umumiy o‘rta ta’lim muassasalarida o‘quvchilarni kasb-hunarga o‘qitishda tadbirkorlik subyektlarini jalb etish bo‘yicha belgilangan vazifalar, xususan, Vazirlar Mahkamasining 2025-yil 11-fevraldagi 78-son qarori ijrosini ta’minlash holati yuzasidan deputatlik nazorati o‘rnatildi.

🔎 Xalq deputatlari Olmazor tuman Kengashi raisi Sh.Umarxodjayeva, 11-Umid saylov okrugi deputati K.Muxitdinova hamda Kengash kotibiyati bosh mutaxassisi U.Shopotixovlar Olmazor tumani “Umid” mahalla fuqarolar yig‘inida joylashgan 219-sonli umumta’lim maktabiga tashrif buyurib, ta’lim muassasasida o‘quvchilarga ta’lim-tarbiya berish jarayoni bilan yaqindan tanishdilar.

👨‍🎓 O‘rganish davomida o‘quvchilarning bilim olishlari uchun yaratilgan shart-sharoitlar, ta’lim sifatini oshirish borasida amalga oshirilayotgan ishlar, o‘quvchilarni zamonaviy kasb-hunarlarga yo‘naltirish hamda ularning bo‘sh vaqtini mazmunli tashkil etish masalalariga e’tibor qaratildi.

🤝 Shuningdek, o‘quvchilarni kasb-hunarga o‘qitishda tadbirkorlik subyektlari bilan hamkorlikni yo‘lga qo‘yish, amaliy mashg‘ulotlar va kasbga yo‘naltiruvchi tadbirlarni yanada kengaytirish bo‘yicha amalga oshirilayotgan ishlar o‘rganildi.

📌 O‘rganish yakunlari bo‘yicha ta’lim sifatini yanada yaxshilash, o‘quvchilarni kasb-hunarga yo‘naltirish va belgilangan vazifalar ijrosini ta’minlash yuzasidan tegishli tavsiya va takliflar bildirildi.