Maktabdagi IT va robototexnika xonalari o‘rganildi

Xalq deputatlari Termiz tuman Kengashi 2-Yangi O‘zbekiston saylov okrugi deputati O‘.Omonov saylangan Yangi obod MFU hududidagi 34-sonli umumiy o‘rta ta’lim maktabida o‘quvchilar, xususan, yoshlarning zamonaviy bilim va ko‘nikmalarini rivojlantirish uchun yaratilgan shart-sharoitlar o‘rganildi.

O‘rganish ishlari tuman Kengashi deputatlari tomonidan amalga oshirilib, maktabdagi AT va robototexnika xonalarining jihozlanganlik holati, kompyuterlar va boshqa texnik vositalarning mavjudligi hamda ulardan o‘quvchilar foydalanishi uchun yaratilgan imkoniyatlar ko‘zdan kechirildi.

Shuningdek, o‘quvchilarning IT, dasturlash va robototexnika yo‘nalishlariga qiziqishini oshirish, zamonaviy kasblarni egallashi va bo‘sh vaqtini mazmunli tashkil etishi uchun yaratilgan sharoitlar bilan tanishildi.

Mazkur o‘rganishlar “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida, yoshlar uchun yaratilgan sharoitlarni o‘rganish, ta’lim sifatini qo‘llab-quvvatlash hamda maktabdagi mavjud masalalar yuzasidan deputatlik nazoratini amalga oshirish maqsadida olib borildi.