Xalq deputatlari Olmaliq shahar Kengashi deputatlari Muhiddin Abdullayev, Lenura Baydullayeva va Fahriddin Matasimovlar ishtirokida mahalladagi ishlar holati tahlil qilindi.
O‘rganish jarayonida:
O'zbekiston Respublikasi Prezidentining PF-209-sonli Farmon talablaridan kelib chiqib, mahalla raisi va hokim yordamchisining faoliyati savolnomalar asosida ko‘rib chiqildi.
Jarayonda ish yuritish va hujjatlar bilan ishlash jarayonida ayrim kamchiliklar aniqlandi.
O‘rganish vaqtida mahalla "yettiligi"ning boshqa a’zolari joyida bo‘lmaganligi sababli, ularning faoliyatini tahlil qilish imkoni bo‘lmadi.
Aniqlangan kamchiliklarni bartaraf etish va ish faoliyatini Farmon talablari darajasida tashkil etish yuzasidan mahalla raisiga tegishli tavsiyalar berildi.
Maqsad: Mahalla tizimidagi har bir mas’ulning faoliyat samaradorligini oshirish va aholi bilan ishlash sifatini yaxshilash.