Xalq deputatlari Qo‘qon shahar Kengashi deputati M.Mavlonqulov tomonidan Achchiqko‘l saylov okrugi tarkibidagi Achchiqko‘l mahallasida mahalla raisi hamda ijtimoiy xodim bilan birgalikda navbatdagi o‘rganish ishlari olib borildi.

O‘rganish jarayonida Oq yo‘l ko‘chasi 31-uyda istiqomat qiluvchi, ijtimoiy reyestrda turuvchi fuqaro Z.Jo‘rayevaning oilaviy holati, yashash sharoiti hamda mavjud ehtiyojlari joyiga chiqqan holda atroflicha ko‘zdan kechirildi.

Ma’lum bo‘lishicha, joriy yilning may oyida deputat tomonidan mazkur oila ahvoli o‘rganilib, ularning uy-joyini ta’mirlash masalasi bo‘yicha mas’ul tashkilotlar bilan amaliy ishlar olib borilgan edi. Mazkur sa’y-harakatlar natijasida oila uyining tom qismini ta’mirlash uchun zarur qurilish ashyolari ajratildi.

O‘rganish davomida fuqaroning yashash sharoitini yanada yaxshilash, ta’mirlash ishlarini belgilangan tartibda davom ettirish hamda ehtiyojmand oilaga amaliy yordam ko‘rsatish masalalari yuzasidan fikr almashildi.

Xalq deputatlari Qo‘qon shahar Kengashi