Deputat gózzallıq salonlarınıń jumısı menen tanıstı

⚡️⚡️Xalıq deputatları Shımbay rayonlıq Keńesi 18-sanlı “Qırıq qız” saylaw okrugi “Adolat” demokratik partiyası deputatı S.Abdieva aymaqtaǵı gózzallıq salonlarınıń jumısı menen tanısıw maqsetinde orınlarǵa shıǵıp, xızmet kórsetiw sapası hám isbilermenlik jumısınıń ámeldegi jaǵdayın úyrendi.

Úyreniw dawamında salonlarda qarıydarlarǵa kórsetilip atırǵan xızmetlerdiń sapası, sanitariyalıq-gigienalıq qaǵıydalarǵa ámel etiliwi, zamanagóy úskenelerden paydalanıw, xızmetkerlerdiń mamanlıǵı hám miynetti qorǵaw talapları boyınsha úyreniw jumısları alıp barıldı.

Sonday-aq, gózzallıq salonlarınıń xızmetkerleri menen ashıqtan-ashıq sóylesiw ótkerilip, olardı qıynap atırǵan mashqalalar, jumıstı keńeytiw, jańa jumıs orınların jaratıw, salıq hám basqa da nızamshılıq talaplarınıń orınlanıwı, xızmet kórsetiw mádeniyatın bunnan bılay da arttırıw máseleleri dodalandı. Isbilermenler tárepinen bildirilgen usınıs hám múrájatlar tıńlanıp, olardıń sheshimi boyınsha tiyisli juwapkerler menen birgelikte ámeliy ilajlar kóriw zárúr ekenligi atap ótildi.