Xalıq deputatları Bozataw rayonlıq Keńesi 12-sanlı “Aspantay” saylaw okruginen (ÓzLiDeP) saylanǵan deputat G.Jumanazarova tárepinen Aspantay awıl puqaralar jıyınında bolıp, "Máhálle jetiligi" sisteması boyınsha ámelge asırılıp atırǵan jumıslar menen tanıstı.
Úyreniw dawamında puqaralardıń múrájatları menen islesiw, sociallıq mútáj shańaraqlardı qollap-quwatlaw, jumıssız puqaralardı jumıs penen támiyinlew hám aymaqtı rawajlandırıw boyınsha hákim járdemshisiniń alıp barılıp atırǵan jumısları kózden ótkerildi.

Bunnan soń deputatlıq jeke qabıllawı ótkerdi, puqaralar tárepinen ózlerin qızıqtırǵan máseleler, sociallıq qollap-quwatlaw, jumıssızlıq, turmıs jaǵdayların jaqsılaw hám basqa da múrájatlar menen qatnastı.
Qabıllawǵa kelgen puqaralardıń hár bir múrájatı tıńlanıp, kóterilgen máseleler boyınsha tiyisli túsindirmeler berildi ayrım múrájatlar sol orınnıń ózinde unamlı sheshim tapqan bolsa, sheshimi waqıt talap etetuǵın múrájatlar deputattıń múrájatlar jurnalına jazıp alınıp qadaǵalawǵa alındı.