Xalq deputatlari Termiz shahar Kengashi raisi D.Normuradova, Kengash kotibiyati mudiri A.Ashurov, Kengash deputati S.Xodjayeva hamda kotibiyat bosh mutaxassislari ishtirokida Termiz shahar Adliya bo‘limida o‘rganish ishlari olib borildi.

💬Ushbu o‘rganish shunchaki rasmiy uchrashuv emas, balki sohadagi eng muhim ikki qonunning joylardagi real ijrosini tahlil qilishga qaratildi:

📄O‘zbekiston Respublikasining “Huquqiy axborotni tarqatish va undan foydalanishni ta’minlash to‘g‘risida” 2017-yil 7-sentabrdagi O‘RQ-443-sonli Qonuni talablaridan kelib chiqib, quyidagilar ko‘rib chiqildi:

🟢Aholining huquqiy ongi va huquqiy madaniyatini yuksaltirish bo‘yicha amalga oshirilayotgan ishlar samaradorligi;

🟢Yangi qabul qilinayotgan qonun hujjatlari, Prezident farmon va qarorlarining mazmun-mohiyatini oddiy fuqarolarga, ayniqsa, mahallalarda “xonadonbay” yetkazish tizimi;

🟢Davlat organlarida huquqiy axborotdan foydalanish va uni tushuntirish darajasi.

📄O‘zbekiston Respublikasining dagi “Davlat hisobidan yuridik yordam ko‘rsatish to‘g‘risida”gi 2023-yil 16-iyundagi O‘RQ-848-sonli Qonuni talablari asosida quyidagilar tahlil qilindi:

🟢Kam ta’minlangan, ijtimoiy himoyaga muhtoj, nogironligi bo‘lgan hamda qonunda belgilangan boshqa toifadagi fuqarolarga davlat hisobidan bepul yuridik yordam (shu jumladan, advokat xizmati) ko‘rsatish tizimining shaffofligi;

🟢Fuqarolarning ushbu tizim orqali huquqiy himoyaga ega bo‘lish imkoniyatlari hamda murojaatlarning adolatli ko‘rib chiqilishi;

🟢Sohada inson omili va korrupsiyaviy xavflarni kamaytirish maqsadida axborot tizimlarining (elektron platformalarning) yo‘lga qo‘yilishi holati.

🫥Muloqot davomida mas'ullar adliya organlari nafaqat davlat idoralari hujjatlarini ro‘yxatga oluvchi, balki oddiy xalqning huquqiy qalqoniga aylanishi lozimligini ta’kidladi.

💬 "Aholiga davlat hisobidan yuridik yordam ko‘rsatish — ijtimoiy adolatning eng muhim mezonidir. Har bir muhtoj fuqaro puli yoki tanishi bor-yo‘qligidan qat’i nazar, o‘z vaqtida professional huquqiy yordam olishi, qonunlarni o‘z tilida tushunishi shart. Adliya bo‘limi ushbu ikki qonun ijrosini har bir mahallada amalda ta’minlashi lozim," — dedi Kengash raisi.