Muammolar joyiga chiqib o‘rganilmoqda
Xalq deputatlari Qiziltepa tuman Kengashi deputati M. Karimova o‘z saylov okrugidagi muammoli xonadonlarga birma-bir tashrif buyurib, fuqarolar bilan muloqot qildi.

Uchrashuvlar davomida aholini qiynayotgan muammolar va takliflar tinglanib, ularni hal etish bo‘yicha amaliy yordam ko‘rsatildi.

Shuningdek, bildirilgan murojaatlar deputatning ishchi daftariga qayd etildi hamda ular yuzasidan tegishli tashkilotlarga yuborish uchun deputat so‘rovlari tayyorlanishi belgilandi.

Fuqarolar murojaatlarini o‘z vaqtida o‘rganish va ularning ijobiy yechimini ta’minlash deputatlik faoliyatining muhim yo‘nalishlaridan biri hisoblanadi.