#deputatlik_faoliyati
Xalq deputatlari Nurafshon shahri Kengashi deputati Tursunboev Alim Samatovich “Taraqqiyot” mahalla fuqarolar yig‘inlarida saylovchilar bilan ochiq muloqot tarzidagi uchrashuvlar tashkil etildi.

Uchrashuv davomida deputat 2026-yilning birinchi choragi davomida amalga oshirgan deputatlik faoliyati yuzasidan saylovchilar oldida hisobot berib, hududlarda olib borilgan o‘rganishlar, fuqarolar murojaatlari bilan ishlash jarayonlari hamda mavjud muammolarni bartaraf etish borasida amalga oshirilgan ishlar haqida batafsil ma’lumot taqdim etdi.

Shuningdek, aholini qiynab kelayotgan ijtimoiy infratuzilma, ichki yo‘llar, elektr energiyasi, ichimlik suvi, bandlik hamda ijtimoiy himoya masalalari yuzasidan tegishli tashkilotlar bilan hamkorlikda olib borilgan ishlar va erishilgan natijalar alohida qayd etildi.

Deputat o‘z faoliyatida saylovchilar manfaatlarini himoya qilish, hududlarni kompleks rivojlantirish, aholi murojaatlariga tezkor yechim topish hamda davlat dasturlari ijrosini joylarda samarali tashkil etishga ustuvor ahamiyat qaratayotganini ta’kidladi.

Muloqot jarayonida fuqarolar tomonidan bildirilgan taklif va murojaatlar tinglanib, ularning yechimi yuzasidan mas’ul tashkilotlar bilan hamkorlikda amaliy choralar ko‘rilishi qayd etildi. Yakunda deputat tomonidan kelgusidagi ustuvor vazifalar, hududlarda amalga oshirilishi rejalashtirilgan loyihalar hamda aholi farovonligini oshirishga qaratilgan tashabbuslar yuzasidan ham ma’lumot berildi.