HOKIM YORDAMCHISI FAOLIYATI DEPUTATLIK NAZORATI DOIRASIDA O‘RGANILDI

Xalq deputatlari Quva tuman Kengashi deputati F.Xashimova hamda tuman
Kengashi kotibiyati bosh mutaxassisi M.To‘xtasinov tomonidan Tojik
mahalla fuqarolar yig‘inida hokim yordamchisining faoliyati o‘rganildi.

O‘rganish davomida mahallada aholi bandligini ta’minlash, kambag‘allikni
qisqartirish, tadbirkorlikni rivojlantirish, tomorqalardan samarali
foydalanish, aholi daromadlarini oshirish hamda fuqarolar murojaatlari bilan
ishlash borasida amalga oshirilayotgan ishlar tahlil qilindi.

Shuningdek, ishsiz fuqarolarni kasb-hunarga o‘qitish, imtiyozli kreditlar
ajratish, yangi ish o‘rinlari yaratish va ehtiyojmand oilalarni manzilli
qo‘llab-quvvatlash yuzasidan amalga oshirilayotgan ishlar ham ko‘zdan
kechirildi.
O‘rganish natijasida aniqlangan ayrim kamchiliklar bo‘yicha mas’ullarga
amaliy tavsiyalar berildi. Muammo va kamchiliklar "Deputatning ko‘cha aylanish daftari"ga
kiritilib, ularni bartaraf etish yuzasidan aniq chora-tadbirlar belgilab olindi
hamda ijrosi deputatlik nazoratiga olindi.