🔍Toyloq tumanida aholi murojaatlarini joyida o‘rganish va mavjud muammolarga amaliy yechim topish maqsadida navbatdagi o‘rganish ishlari olib borildi. Xalq deputatlari tuman Kengashi deputati N.Mo‘minova hamda tuman Kengashi mas’ullari Saribozor mahallasida bo‘lib, fuqarolarning elektr energiyasi bilan bog‘liq murojaatlarini o‘rgandilar. Mahalla aholisi tomonidan Jumabozor va Saribozor mahallalaridagi 300 kVtli transformator yuqori kuchlanishda ishlayotgani, bu esa tez-tez nosozliklarni keltirib chiqarayotgani, shuningdek, eski elektr ustunlarini yangi beton ustunlarga almashtirish zarurati mavjudligi ta’kidlandi.

🔍O‘rganish jarayonida muammolarni qisqa muddatlarda bartaraf etish yuzasidan mutasaddi tashkilotlar bilan hamkorlikda aniq vazifalar belgilab olindi. Deputat N.Mo‘minova har bir murojaat ortida inson taqdiri turganini ta’kidlab, aholi muammolarini joyiga chiqqan holda hal etish ustuvor vazifa ekanini qayd etdi. Bunday manzilli o‘rganishlar aholi bilan ochiq muloqotni mustahkamlash, hududlardagi ijtimoiy muammolarni tizimli hal etishda muhim ahamiyat kasb etmoqda.

✅Bizni kuzatib boring:👇
|📲 Telegram | 💻Facebook