Haftalik_ish_rejaning_ijrosi
Tadbirkorlar murojaatlari joyiga chiqib o‘rganildi

Xalq deputatlari tuman Kengashi raisi Mas'ud Ashurov hamda tumani hokimi Odiljon Yaqubovlar hamkorligida "Sebzor" mahallasida bo‘lib, tadbirkor R.Badalova tomonidan yangi kutubxona va muzey barpo etish uchun yer maydoni ajratish yuzasidan bildirilgan murojaatni joyiga chiqib o‘rgandi.

Murojaat tegishli mutasaddilar ishtirokida ko‘rib chiqilib, masala atroflicha tahlil qilindi. Loyiha uchun mavjud K-savdo hududi hamda Yoshlar bog‘i atrofidan muqobil yer maydonlari taklif etildi.

Shuningdek, Yangihayot mahallasida "Faxriddin Asalchi" fermer xo‘jaligi rahbari A.Ziyodullayevning asalarichilik faoliyatini kengaytirish bo‘yicha murojaati ham joyida o‘rganildi. Unga ko‘ra, rejalashtirilayotgan savdo do‘koni loyihasini qayta ishlab chiqish hamda tadbirkorlik faoliyatini rivojlantirish uchun qulay shart-sharoitlar yaratish masalalari muhokama qilindi.

Tashrif yakunida mas’ullarga tadbirkorlikni qo‘llab-quvvatlash, murojaatlarni o‘z vaqtida va sifatli hal etish hamda belgilangan vazifalar ijrosini qat’iy nazoratga olish yuzasidan tegishli tavsiyalar berildi.