Xalq deputatlari Qo‘qon shahar Kengashi kotibiyati mudiri A.Nosirov tomonidan deputat Sh.Dexkanov saylangan 6-"Sadoqat" saylov okrugi hududidagi "Gʻishtli masjid" mahalla fuqarolar yig‘inida navbatdagi o‘rganish ishlari olib borildi.

O‘rganish davomida mahalla fuqarolar yig‘ini raisi bilan hududni ijtimoiy-iqtisodiy rivojlantirish, obodonlashtirish, aholi murojaatlari bilan ishlash hamda mahallada amalga oshirilayotgan dolzarb tadbirlar yuzasidan atroflicha fikr almashildi.

Xususan, mahallada jinoyatchilik va huquqbuzarliklarning barvaqt oldini olish, fuqarolar xavfsizligini ta’minlash, "mahalla yettiligi" hamkorligida olib borilayotgan profilaktik tadbirlar, ijtimoiy muammolarni o‘z vaqtida aniqlash hamda ularni bartaraf etish borasida amalga oshirilayotgan ishlar o‘rganildi.

Shuningdek, jinoyatchilikka sabab bo‘luvchi omillarni kamaytirish, yoshlar va voyaga yetmaganlar bilan manzilli ishlash, notinch oilalarni nazoratga olish hamda mahallada osoyishtalikni ta’minlash bo‘yicha amalga oshirilayotgan chora-tadbirlar muhokama qilindi.

Xalq deputatlari Qo‘qon shahar Kengashi