Xalq deputatlari Margʻilon shahar Kengashi deputati M.Abdurahmonova nomiga Ipak yoʻli mahalla fuqarolar yigʻini Tinchlik koʻchasi aholisi tomonidan Joybozor tranzit anhorini chiqindilardan tozalash masalasida murojaat kelib tushgan edi va murojaat Deputat koʻcha aylanish daftariga qayd etilib deputatlik nazorati tartibida oʻrganilib, mutasaddi tashkilotlar bilan hamkorlikda amaliy choralar koʻrildi.

Xususan, Sirdaryo–Soʻx irrigatsiya tizimlari havzasi Fargʻona viloyati boshqarmasi bilan hamkorlikda Joʻyibozor tranzit anhorida tozalash ishlari tashkil etildi. Natijada anhor oʻzanida toʻplanib qolgan maishiy chiqindilar hamda suv oqimiga toʻsqinlik qilayotgan turli xil chiqindilar maxsus texnika va ishchi kuchi yordamida olib tashlandi.

Olib borilgan ishlar natijasida anhorning sanitariya-ekologik holati yaxshilanib, suvning erkin oqimini taʼminlash, atrof-muhit musaffoligini saqlash hamda hudud aholisi uchun qulay ekologik muhit yaratishga xizmat qiluvchi zarur chora-tadbirlar amalga oshirildi.

Shuningdek, kelgusida bunday holatlarning oldini olish maqsadida hududni muntazam nazorat qilish, anhorni belgilangan reja asosida tozalab borish yuzasidan masʼul tashkilotlarga tegishli tavsiyalar berildi.

Xalq deputatlari Margʻilon shahar Kengashi deputatlari tomonidan fuqarolar murojaatlarini oʻz vaqtida koʻrib chiqish, mavjud muammolarni mutasaddi tashkilotlar bilan hamkorlikda hal etishga qaratilgan ishlar davom ettirilmoqda.