Xalq deputatlari Qo‘qon shahar Kengashi deputati G.Rasulova tomonidan o‘zi saylangan Charhini ko‘prigi saylov okrugi hududidagi "Charhini ko‘prigi" mahalla fuqarolar yig‘inida navbatdagi o‘rganish ishlari olib borildi.

O‘rganish davomida mahalla yoshlar yetakchisi J.Ismoilovning faoliyati, yoshlarni qo‘llab-quvvatlash hamda ularning bandligini ta’minlash borasida amalga oshirilayotgan ishlar atroflicha tahlil qilindi.

Xususan, mahallada otaliqqa olingan 5 nafar yosh bilan olib borilgan individual ishlarga alohida e’tibor qaratildi. Jumladan, Misr Arab Respublikasidan qaytarilgan B.Yunusovning qiziqish va salohiyatidan kelib chiqib, Qo‘qon universitetining AT markaziga biriktirilgani hamda uning bepul ta’lim olishi tashkil etilgani ma’lum qilindi.

Shuningdek, "Yoshlar daftari"ga kiritilgan kam ta’minlangan fuqaro M.Murodovaning oliy ta’lim muassasasidagi kontrakt to‘lovini amalga oshirish bo‘yicha qilgan murojaati ijobiy hal etilib, unga amaliy yordam ko‘rsatilgani qayd etildi.

O‘rganish yakunida yoshlar bilan ishlash tizimi samaradorligini yanada oshirish, ularning ta’lim olishi, bandligini ta’minlash va ijtimoiy qo‘llab-quvvatlash bo‘yicha olib borilayotgan ishlarni izchil davom ettirish yuzasidan mas’ullarga tegishli tavsiya va takliflar bildirildi.

Xalq deputatlari Qo‘qon shahar Kengashi