Xalq deputatlari Muzrabot tumani Kengashining 1-Oqoltin saylov okrugidan saylangan deputat Choriyeva Dilfuza tuman Kengashi kotibiyati bosh mutaxassisi Sh. Shoymardanov bilan hamkorlikda tumandagi «Muzrabot darvoza» mahalla fuqarolar yig‘inida bo‘lib, aholi xonadonlariga tashrif buyurdi hamda fuqarolar bilan yuzma-yuz muloqot o‘tkazib, mavjud muammo va takliflarni o‘rgandi.

O‘rganishlar mahalliy Kengash deputatlari faoliyatining eng muhim yo‘nalishlari bo‘yicha ishlab chiqilgan 24-ta tavsiya asosida amalga oshirildi. Suhbatlar davomida mahalla aholisini qiynayotgan dolzarb masalalar muhokama qilinib, fuqarolarning taklif va murojaatlari tinglandi. Ko‘tarilgan muammolarni hal etish yuzasidan tegishli chora-tadbirlar hamda hamkorlik rejasi belgilab olindi.

O‘rganish yakunida deputat mahalla hududida ko‘chama-ko‘cha yurib, fuqarolar bilan bevosita muloqot qildi va ularning muammolarini joyida o‘rgandi. Aniqlangan masalalar deputatning ko‘chama-ko‘cha o‘rganish jurnaliga qayd etilib, har bir murojaat bo‘yicha mas’ul tashkilotlar bilan hamkorlikda amaliy choralar ko‘rish hamda ularning ijobiy yechimini ta’minlash yuzasidan aniq vazifalar belgilab olindi.