НОГИРОНЛИГИ БЎЛГАН ФУҚАРО ҲОЛИДАН ХАБАР ОЛИНДИ
Халқ депутатлари Янгиқўрғон тумани Кенгаши депутати Юлдашев Турсунпўлат Хакимбекович томонидан сайлов округида жойлашган маҳаллада навбатдаги ўрганиш ишлари олиб борилди.
Ўрганиш жараёнида Халқ депутатлари Янгиқўрғон тумани Кенгаши мутахассиси Комилжон Эгамбердиев ҳамда маҳалла ҳоким ёрдамчиси иштирокида маҳаллада истиқомат қилувчи ногиронлиги бўлган фуқарога кўрсатилаётган ижтимоий ёрдам ва хизматлар ҳолати ўрганилди.
Фуқаро билан суҳбат давомида унинг яшаш шароити, саломатлиги, ижтимоий қўллаб-қувватлашга бўлган эҳтиёжлари ҳамда мавжуд муаммолари тингланди. Шунингдек, масъуллар томонидан фуқарога белгиланган тартибда кўмак кўрсатиш, зарур ҳолларда тегишли ташкилотларга мурожаат киритиш юзасидан таклифлар билдирилди.
Депутат томонидан ногиронлиги бўлган фуқароларни ижтимоий ҳимоя қилиш, уларга амалий ёрдам кўрсатиш ҳамда маҳалла даражасида мавжуд муаммоларни ўз вақтида ҳал этиш муҳимлиги таъкидланди.