O‘zbekiston Respublikasi Prezidentining 2024 yil 28 martdagi PQ-141-sonli qarori ijrosi doirasida Muzrabot tumanidagi 15 ta mahallada qurilish va infratuzilmani yaxshilash ishlari amalga oshirilmoqda.

Mazkur ishlar sifatini o‘rganish maqsadida Xalq deputatlari Muzrabot tumani Kengashining 16-Sho‘rob saylov okrugidan saylangan deputati Jumaeva Svetlana Petrovna hamda tuman Kengashi kotibiyati bosh mutaxassisi Xoliqov Bahodir tomonidan "Fidokor" mahallasida o‘rganish o‘tkazildi.

O‘rganish davomida 24-sonli umumta’lim maktabida olib borilayotgan rekonstruksiya ishlari ko‘zdan kechirildi. Loyiha uchun 1 milliard 586 million so‘m mablag‘ ajratilgan bo‘lib, pudratchi tashkilot "KO‘ChKAK ChINORI" XK hisoblanadi.

Ayni vaqtda binoda ichki va tashqi pardozlash ishlari yakunlangan. Hozirda isitish tizimini o‘rnatish hamda pol qoplamalarini yotqizish ishlari davom etmoqda.

O‘rganish yakunida deputat tomonidan qurilish ishlarining sifati, belgilangan me’yor va talablarga to‘liq rioya etilishi yuzasidan pudratchi tashkilot mas’ullariga tegishli tavsiya va ko‘rsatmalar berildi.