Pastdarg‘om tuman hokimligida xalq deputatlari tuman Kengashining Agrar, suv xo‘jaligi masalalari bo‘yicha doimiy komissiyasi majlisi bo‘lib o‘tdi.

Majlisda doimiy komissiya a’zolari, Kengash kotibiyati hamda tegishli mas’ullar ishtirok etdi.

Kun tartibida “Aholini shovqin zararli ta’siridan himoya qilish to‘g‘risida”gi qonunining mazmun-mohiyati va tumandagi ijrosini ta’minlash masalasi ko‘rib chiqildi.

Majlis davomida yo‘nalishlari, ularning maqsadi hamda aholini shovqinning zararli ta’siridan himoya qilish, ekologik va ijtimoiy barqarorlikni ta’minlashga qaratilgan chora-tadbirlar yuzasidan ma’lumot berildi.

Muhokamalar jarayonida aholi yashash hududlarida shovqin darajasini kamaytirish, qurilish ishlari, transport harakati va maishiy faoliyatdan kelib chiqadigan noqulayliklarning oldini olish bo‘yicha choralarni kuchaytirish ta’kidlandi.

Yig‘ilish yakunida qonun ijrosini joylarda o‘rganish, monitoring o‘tkazish vazifalari belgilab olindi.