Xalq deputatlari Pastdarg‘om tuman Kengashi deputati G.Xoliqulova tomonidan Lolazor mahallasida faoliyat yuritayotgan fuqaro Zaripov Sardorga qarashli oilaviy nodavlat maktabgacha ta’lim muassasasida o‘rganish ishlari olib borildi.

O‘rganish davomida muassasada ayrim ta’mirtalab joylar mavjudligi hamda tozalik va sanitariya holatini yanada yaxshilash zarurligi aniqlandi.

Aniqlangan kamchiliklar yuzasidan muassasa mas’uliga tegishli tavsiya va ko‘rsatmalar berildi.

Muassasa rahbari tomonidan mavjud kamchiliklar ikki kun muddatda bartaraf etilishi ma’lum qilindi.

Hozirgi kunda aytilgan kamchiliklarni bartaraf etish ishlari olib borilmoqda.

Deputat tomonidan bu boradagi ishlar nazoratga olinib, bolalar uchun munosib va xavfsiz sharoit yaratish yuzasidan monitoring davom ettiriladi.