Toyloq tumani Kengashi kotibiyati faoliyati tahlil qilindi

✅ Xalq deputatlari Samarqand viloyati Kengashi kotibiyati tomonidan mahalliy Kengashlar faoliyatini yanada takomillashtirish hamda ish samaradorligini oshirishga qaratilgan o‘rganishlar davom etmoqda.

🌀 Navbatdagi o‘rganish doirasida viloyat Kengashi kotibiyati xodimi M. Begimqulov tomonidan Xalq deputatlari Toyloq tumani Kengashi kotibiyatining faoliyati, mutaxassislar tomonidan hujjatlar bilan ishlash jarayonlari hamda deputatlar faoliyatini tashkiliy jihatdan ta’minlash holati ko‘zdan kechirildi.

🔤 O‘rganish davomida Kengash sessiyalari va doimiy komissiyalar faoliyatini tashkil etish, deputatlik so‘rovlari va murojaatlar ijrosi, hujjatlar aylanishi hamda ijro intizomiga oid masalalar atroflicha tahlil qilindi.

♾ Shuningdek, amaliyotda uchrayotgan ayrim masalalar yuzasidan fikr almashilib, kotibiyat ishini yanada samarali tashkil etish, hujjatlar ijrosi ustidan nazoratni kuchaytirish va ish yuritish sifatini oshirish bo‘yicha tavsiyalar berildi.

✅ Bunday o‘rganishlar mahalliy Kengashlar faoliyatini takomillashtirish, deputatlar uchun zarur tashkiliy-huquqiy sharoitlarni yaratish hamda xalq vakillik organlari ishining ochiqligi va samaradorligini ta’minlashga xizmat qiladi.