TIBBIYOT XODIMLARIGA QONUN MAZMUN-MOHIYATI TUSHUNTIRILDI

Xalq deputatlari Quva tuman Kengashi deputati O.Oripova tomonidan tuman
Kengashi doimiy komissiyalari kesimida o‘ziga biriktirilgan sog‘liqni saqlash
sohasi doirasida tuman sog‘liqni saqlash bo‘limi tasarrufidagi 3-son oilaviy
poliklinika tibbiyot xodimlariga O‘zbekiston Respublikasining 1996-yil
29-avgustdagi “Fuqarolar sog‘lig‘ini saqlash to‘g‘risida”gi O‘RQ–265-I-son
Qonunining mazmun-mohiyati, sog‘liqni saqlash sohasida amalga oshirilayotgan
islohotlar hamda aholiga sifatli tibbiy xizmat ko‘rsatish borasida belgilangan
ustuvor vazifalar yuzasidan batafsil tushuntirishlar berildi.

Xususan, qonunda belgilangan har bir fuqaroning malakali tibbiy yordam olish
huquqi, profilaktik tibbiy xizmatlarni kengaytirish, onalik va bolalikni
muhofaza qilish, aholi salomatligini mustahkamlash hamda tibbiyot xodimlarining
huquq va majburiyatlariga oid muhim normalar xususida atroflicha ma’lumotlar
yetkazildi.

Shuningdek, aholiga ko‘rsatilayotgan tibbiy xizmatlar sifatini yanada oshirish,
bemorlarga xushmuomalalik va yuksak mas’uliyat bilan yondashish, tibbiy etika
va deontologiya qoidalariga qat’iy rioya etish, sog‘lom turmush tarzini keng
targ‘ib qilish hamda qonun hujjatlari ijrosini ta’minlash masalalariga alohida
e’tibor qaratildi.

Tadbir davomida tibbiyot xodimlarining fikr va takliflari tinglanib, qonun
mazmun-mohiyatini aholi o‘rtasida keng targ‘ib qilish, ko‘rsatilayotgan tibbiy
xizmatlar samaradorligi va sifatini yanada oshirish yuzasidan tegishli
tavsiyalar berildi.