Xalq deputatlari Sardoba tuman Kengashi deputati B.Boʻtayev tomonidan Sardoba tumanida 2026-yil Investitsiya dasturiga kiritilgan loyihalar ijrosi yuzasidan o‘rganish ishlari olib borildi.
Jumladan, tumandagi 12-sonli umumta’lim maktabini rekonstruksiya qilish loyihasining amalga oshirilish holati joyiga chiqqan holda o‘rganildi. O‘rganish davomida qurilish-montaj ishlarining borishi, loyiha hujjatlarida belgilangan vazifalarning ijrosi, qurilish materiallarining sifati hamda ishlarning belgilangan muddatlarda bajarilishi masalalariga alohida e’tibor qaratildi.
Shuningdek, mas’ul tashkilotlar vakillari bilan muloqot o‘tkazilib, obyektning bugungi holati va amalga oshirilayotgan ishlar yuzasidan tegishli ma’lumotlar olindi. Ta’lim muassasasida zamonaviy va qulay shart-sharoitlar yaratish, o‘quvchilar uchun sifatli ta’lim muhitini shakllantirish hamda maktab infratuzilmasini yanada yaxshilashga qaratilgan ishlarning ahamiyati ta’kidlandi.
O‘rganish yakunida aniqlangan masalalar yuzasidan tegishli tavsiyalar berilib, qurilish ishlarini sifatli va o‘z vaqtida yakunlash bo‘yicha mas’ullarga tegishli ko‘rsatmalar bildirildi. Mazkur loyiha ijrosi deputatlik nazorati doirasida muntazam kuzatib borilishi qayd etildi.