Amalga oshirilayotgan qurilish va obodonlashtirish ishlarining borishini o‘rganish va ularning sifatli bajarilishini nazorat qilish maqsadida, Xalq deputatlari Bo‘zatov tuman Kengashi 3-sonli "Mádeniyat " saylov okrugidan (O‘zXDP) saylangan deputat G.Yusupova va Kengash kotibiyatining bosh mutaxassisi S.Alimov birgalikda o‘z saylov okrugi hududida olib borilayotgan ishlar bilan tanishdi.
O‘rganish davomida, "2026 yilda hududlarni rivojlantirish orqali aholi daromadini oshirish, doimiy ish o‘rinlarini yaratish va kambag‘allikni qisqartirish chora-tadbirlari to‘g‘risida"gi Prezidentimizning PQ-49-sonli qarori, shuningdek, Qoraqalpog‘iston Respublikasi Jo‘qorg‘i Kengesi Prezidiumining 2026 yil 6 martdagi "Og‘ir tumanlar va mahallalarni kompleks rivojlantirish dasturlarini tasdiqlash to‘g‘risida"gi 617-sonli qarori asosida amalga oshirilayotgan ishlar ko‘zdan kechirildi.
Ushbu dasturga muvofiq, Bo‘zatov tumanini ijtimoiy-iqtisodiy rivojlantirish chora-tadbirlari doirasida tuman markazidagi A.Dosnazarov ko‘chalarining 0,3 km qismida yangi piyodalar yo‘lagini qurish va tungi yoritish chiroqlarini o‘rnatish ishlari belgilangan. Ayni paytda ushbu qurilish ishlari boshlab yuborilgan bo‘lib, belgilangan reja asosida olib borilmoqda.
Deputat va Kengash vakili ishlarning sifatiga, belgilangan texnik talablarga muvofiq bajarilishiga alohida e’tibor qaratib, qurilish ishlarining o‘z vaqtida va sifatli bajarilishi bo‘yicha tavsiyalar berdi.
Amalga oshirilayotgan qurilish va obodonlashtirish ishlari deputatlik nazoratiga olinib, ularning ijrosi uzluksiz nazorat qilinadi.