Xalq deputatlari Sardoba tumani Kengashi raisi R.Tashpulatov Birlashgan mahallasida istiqomat qiluvchi kam ta’minlangan oilaning uy-joyini ta’mirlash ishlarida faol ishtirok etdi.
Amalga oshirilayotgan xayriya va obodonlashtirish ishlari doirasida fuqaroning yashash sharoitini yaxshilash, uy-joyini ta’mirlash hamda munosib turmush kechirishi uchun zarur shart-sharoitlar yaratishga alohida e’tibor qaratildi. Ta’mirlash jarayonlarida R.Tashpulatov shaxsan ishtirok etib, hashar ishlariga o‘z hissasini qo‘shdi.
Bunday ezgu tashabbuslar aholi ijtimoiy muhofazasini kuchaytirish, ehtiyojmand oilalarni har tomonlama qo‘llab-quvvatlash hamda mahallalarda mehr-oqibat va hamjihatlik muhitini mustahkamlashga xizmat qilmoqda.
Eng muhimi, inson qadrini ulug‘lash va aholining hayotdan roziligini ta’minlash yo‘lida amalga oshirilayotgan bunday xayrli ishlar jamiyatimizda o‘zaro hurmat, hamjihatlik va saxovat qadriyatlarini yana-da yuksaltirmoqda.