Xalq deputatlari Karmana tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi o‘tkazildi.
Yig‘ilishda tuman hayoti uchun muhim bo‘lgan sohalardan biri — tuman Elektr tarmoqlari korxonasida korrupsiyaga qarshi kurashish borasida amalga oshirilgan ishlar holati va ushbu yo‘nalishda olib borilgan o‘rganishlar natijalari atroflicha tahlil etildi.

Muhokama davomida sohada ochiqlik va shaffoflikni ta’minlash, qonunbuzilish holatlarining barvaqt oldini olish hamda aniqlangan kamchiliklarni bartaraf etish choralariga alohida e’tibor qaratildi. Komissiya a’zolari tomonidan aniqlangan kamchiliklar yuzasidan mas’ullarga aniq ko‘rsatmalar berilib, yakunda tegishli qaror qabul qilindi.