#deputatlik_faoliyati
Xalq deputatlari Toshkent viloyati Kengashi deputati Alisher Turdiyev Nurafshon shahar Kengashi kotibiyati mudiri K.Umarboyev bilan birgalikda Nurafshon shahrida maishiy chiqindilarni yig‘ish va ularni o‘z vaqtida olib chiqish holatini o‘rgandi.

O‘rganish davomida shahardagi mahallalar, ko‘p qavatli uylar hududlari hamda ijtimoiy soha obyektlariga tutash hududlarda chiqindilarni yig‘ish va olib chiqish xizmatlarining tashkil etilishi, mavjud konteyner maydonchalari holati, sanitariya-tozalik qoidalariga rioya etilishi va aholiga ko‘rsatilayotgan xizmatlar sifati tahlil qilindi.
Shuningdek, ayrim hududlarda chiqindilarni olib chiqish davriyligi, konteynerlarning texnik holati hamda ularni joylashtirish bilan bog‘liq masalalar yuzasidan mutasaddi tashkilotlar vakillari bilan fikr almashildi. O‘rganish yakunlari bo‘yicha aniqlangan kamchiliklarni bartaraf etish, sanitariya holatini yanada yaxshilash hamda aholiga qulay va sifatli xizmat ko‘rsatishni ta’minlash yuzasidan tegishli tavsiya va takliflar bildirildi.

Deputat tomonidan mazkur masala doimiy nazoratga olinib, fuqarolarning sog‘lom va obod yashash muhitini ta’minlash, atrof-muhit tozaligini saqlash hamda ekologik madaniyatni oshirish borasidagi ishlarni izchil davom ettirish zarurligi ta’kidlandi.