Xalq deputatlari Tuproqqal’a tuman Kengashi deputati Fotima Seydabdullayeva o‘zi saylangan 9-"Sayapir" saylov okrugi hududidagi 7-son maktabda "Dolzarb 90 kun" loyihasi doirasida amalga oshirilayotgan ishlarni o‘rgandi. O‘rganishda tuman Kengashi huzuridagi "Ekspert guruhi" mas’ul kotibi, Kotibiyat bosh mutaxassisi P. Rahmanov ham ishtirok etdi.

Monitoring davomida loyiha doirasidagi to‘garaklar, ommaviy tadbirlar va sport musobaqalari tasdiqlangan grafik asosida tashkil etilgani, o‘quvchilarning yozgi ta’tilini mazmunli va xavfsiz o‘tkazish uchun zarur sharoitlar yaratilgani qayd etildi. Mashg‘ulotlarning tajribali pedagoglar tomonidan olib borilayotgani hamda tadbirlarning qiziqarli va samarali tashkil etilayotgani ota-onalar va o‘quvchilar tomonidan ham ijobiy baholandi. 🤝📚