📌 Baxmal tuman Kengashi kotibiyatida haftalik ish rejasi tasdiqlandi
Xalq deputatlari tuman Kengashi kotibiyati mudiri B.Amanov hamda bosh mutaxassislar S.Bektemirov va J.Butayevlar ishtirokida joriy hafta davomida amalga oshiriladigan ustuvor vazifalar belgilab olindi.
Unga ko‘ra, kotibiyat mas’ullari tomonidan hafta davomida quyidagi yo‘nalishlarda ishlar tashkil etiladi:
🔹 Mahallalardagi infratuzilma loyihalari, asfaltlashtirish hamda yangi qurilayotgan ijtimoiy ob'ektlardagi ishlar holati deputatlar bilan birgalikda doimiy kuzatib boriladi.
🔹 “24 talik tavsiyalar” asosida joylardagi dolzarb masalalar tahlil qilinib, ularni hal etish choralari ko‘riladi.
🔹 Fuqarolar qabullarini samarali tashkil etish va saylovchilar tomonidan ko‘tarilgan masalalarni qonuniy ko‘rib chiqish ta’minlanadi.
🔹 Hafta yakunida bajarilgan ishlar samaradorligi baholanib, istiqboldagi rejalar shakllantiriladi.