Yig‘ilish avvalida kuni kecha bo‘lib o‘tgan Xalq deputatlari Marg‘ilon shahar Kengashining yigirma sakkizinchi sessiyasi yakunlari yuzasidan axborot tinglandi. Sessiyada ko‘rib chiqilgan masalalar ijrosi, qabul qilingan qarorlarning amaliyotga tatbiq etilishi hamda ularning hududlarni rivojlantirishdagi ahamiyati xususida fikr almashildi.

Shuningdek, deputatlar tomonidan hududlarda olib borilgan o‘rganishlar natijalari, aniqlangan muammolar hamda fuqarolardan kelib tushgan murojaatlar bilan ishlash holati atroflicha tahlil qilindi.

Yig‘ilish davomida Kengash faoliyati samaradorligini oshirish, deputatlik nazoratini kuchaytirish, joylarda mavjud muammolarni barvaqt aniqlash va ularni bartaraf etish bo‘yicha tizimli ishlarni davom ettirish masalalariga alohida e’tibor qaratildi.

Hududlarda sayyor uchrashuvlar va o‘rganishlarni yanada faollashtirish zarurligi ta’kidlandi.
Yig‘ilish yakunida yangi hafta davomida amalga oshiriladigan deputatlik nazorati tadbirlari, fuqarolar bilan uchrashuvlarni belgilangan reja asosida tashkil etish hamda kelib tushgan murojaatlarning ijrosini nazoratga olish bo‘yicha aniq vazifalar belgilab olindi.