Xalq deputatlari Dehqonobod tuman Kengashi kotibiyat mudiri G‘.Xo‘jamqulov, tuman Kengashi deputati M.Mengliyeva hamda kotibiyat bosh mutaxassislari T.Mardonov va B.Panjiev O‘zbekiston Xalq demokratik partiyasi Dehqonobod tuman Kengashi vakillari bilan hamkorlikni yanada mustahkamlash maqsadida ishchi uchrashuv o‘tkazdilar.

Uchrashuv davomida mahallalarda hamda turli tashkilotlarda o‘rganish ishlarini birgalikda tashkil etish, deputatlik nazoratini samarali yo‘lga qo‘yish, aholi muammolarini joyiga chiqib o‘rganish hamda ularni hal etish bo‘yicha amaliy hamkorlik masalalari muhokama qilindi.

Shuningdek, Xalq demokratik partiyasi tuman Kengashi binosida bo‘lib o‘tgan muloqot davomida tomonlar o‘zaro hamkorlikni qonuniy asoslarda, belgilangan vakolatlar doirasida yanada rivojlantirish, joylardagi ijtimoiy-iqtisodiy masalalarni birgalikda o‘rganish va samarali yechimlar ishlab chiqish yuzasidan kelishib oldilar.

Bunday hamkorlik kelgusida mahallalarda muammolarni tezkor aniqlash, fuqarolarning murojaatlariga samarali yechim topish hamda deputatlik faoliyati samaradorligini oshirishga xizmat qiladi.