Xalq deputatlari Dehqonobod tuman Kengashi deputati G‘. Boysariyev hamda tuman Kengashi kotibiyati mutaxassisi B. Panjiyev tomonidan 1-Dehqonobod saylov okrugi hududida joylashgan Dehqonobod mahallasida yoshlar yetakchisi tomonidan amalga oshirilayotgan ishlar joyiga chiqib o‘rganildi.

O‘rganish davomida mahallada yoshlar bandligini ta’minlash, ularni kasb-hunarga yo‘naltirish, tadbirkorlik faoliyatiga jalb etish, bo‘sh vaqtini mazmunli tashkil etish hamda yoshlar yetakchisi tomonidan amalga oshirilayotgan tadbirlarning samaradorligi atroflicha tahlil qilindi.

Shuningdek, yoshlar bilan individual ishlash, ularning muammo va takliflarini o‘rganish, bandligini ta’minlash bo‘yicha olib borilayotgan amaliy ishlar hamda davlat dasturlari doirasida yaratilayotgan imkoniyatlardan samarali foydalanish holati ko‘zdan kechirildi.

O‘rganish yakunida yoshlar bilan ishlash tizimini yanada takomillashtirish, bandlikni oshirish va amalga oshirilayotgan tadbirlar samaradorligini kuchaytirish yuzasidan tegishli tavsiya va ko‘rsatmalar berildi.