Xalq deputatlari Farg‘ona viloyati (Quvasoy shahar) Kengashi deputati, “Yoshlar siyosati, xotin-qizlar, madaniyat va sport masalalari” bo‘yicha doimiy komissiya raisi D.Mehmonova tashabbusi bilan Isfayramsoy mahallasida yosh qizlar va xotin-qizlar ishtirokida davra suhbati tashkil etildi.

➡️ Tadbir davomida “Xotin-qizlarni tazyiq va zo‘ravonlikdan himoya qilish to‘g‘risida” hamda “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘zbekiston Respublikasi qonunlarining mazmun-mohiyati keng targ‘ib qilinib, xotin-qizlarning huquq va qonuniy manfaatlarini himoya qilish, gender tengligini ta’minlash hamda oilalarda sog‘lom ma’naviy muhitni shakllantirish masalalariga alohida e’tibor qaratildi.

📌 Shuningdek, erta turmush va erta tug‘ruqning salbiy oqibatlari, oilalarda ajrimlarning oldini olish, xotin-qizlarni har tomonlama qo‘llab-quvvatlash, yoshlar o‘rtasida huquqbuzarlik va jinoyatchilikning oldini olish yuzasidan atroflicha fikr almashildi.

✔️ Mutaxassislar tomonidan erta nikohning salomatlik, ta’lim va kelajak hayotiga ta’siri haqida tushuntirishlar berilib, mustahkam oilani barpo etishda o‘zaro hurmat, mas’uliyat va farzand tarbiyasining o‘rni yuzasidan tavsiyalar bildirildi.

✏️ Yakunda ishtirokchilarni qiziqtirgan savollarga huquqiy, tibbiy va psixologik jihatdan asoslangan javoblar berildi.