Aholi bandligini ta’minlash borasidagi ishlar o‘rganildi

📆 «O‘zbekiston Respublikasi Oliy Majlisi Qonunchilik palatasining Reglamenti to‘g‘risida»gi O‘zbekiston Respublikasi Qonunining 339-moddasiga muvofiq, 2026-yil 24–27-iyun kunlari Qonunchilik palatasi deputatlarining o‘z saylov okruglarida saylovchilar bilan uchrashuvlari va hududlardagi ijtimoiy-iqtisodiy jarayonlarni o‘rganish ishlari tashkil etilmoqda.

🇺🇿 Shu munosabat bilan Oliy Majlis Qonunchilik palatasi deputati Durbek Axmedov Uchtepa tumanidagi Birlik mahallasida aholi bandligini ta’minlash va yangi ish o‘rinlari yaratish borasida amalga oshirilayotgan ishlarni o‘rgandi. O‘rganishda tuman Kengashi kotibiyati mudiri Anvar Usmanov hamda kotibiyat bosh mutaxassisi Zarnigor Kuziyeva ishtirok etdi.

📊 O‘rganish davomida mahallada aholi bandligini ta’minlash bo‘yicha olib borilayotgan ishlar tahlil qilinib, xususiy sektor bilan hamkorlikda fuqarolarni doimiy ish o‘rinlariga joylashtirish amaliyoti ijobiy baholandi. Jumladan, mahalla tavsiyasi asosida 5 nafar fuqaroning Korzinka savdo tarmog‘iga ishga joylashtirilgani aholi bandligini ta’minlash borasidagi samarali hamkorlik namunasi sifatida e’tirof etildi.

🗂 Shuningdek, o‘rganish jarayonida O‘zbekiston Respublikasining 2020-yil 20-oktabrdagi O‘RQ–642-sonli “Aholi bandligi to‘g‘risida”gi Qonunining mazmun-mohiyati yuzasidan ham fikr almashildi. Qonunda aholi bandligini ta’minlash, yangi ish o‘rinlarini yaratish, ishsiz fuqarolarni kasbga tayyorlash va qayta tayyorlash, o‘zini o‘zi band qilish hamda tadbirkorlikni qo‘llab-quvvatlash bo‘yicha belgilangan vazifalarning ijrosi muhokama qilindi.

📇 O‘rganish yakunida mahallada aholi bandligini yanada oshirish, fuqarolarni munosib ish o‘rinlariga jalb etish va tadbirkorlikni rivojlantirish bo‘yicha tegishli tavsiyalar berildi.