Mamlakatimizda davlatimiz rahbarining tashabbusi bilan o‘quvchi-yoshlarning yozgi ta’til davrini mazmunli tashkil yetish, ularni madaniy, ma’rifiy va sport tadbirlariga faol jalb qilish maqsadida “Dolzarb 90 kun” loyihasi amalga oshirilmoqda.

Xalq deputatlari Mirzo Ulug‘bek tumani Kengashi deputati Dilshod Soliyev okrugidagi 38-maktabgacha ta’lim tashkilotida yozgi ta’til davrida “Dolzarb 90 kun” loyihasi doirasida bolalarning vaqtlarini mazmunli o‘tkazish bo‘yicha tashkil etilgan sharoitlar bilan yaqindan tanishdi.

O‘rganishlar jarayonida loyiha doirasida tarbiyalanuvchilarga yaratilgan shart-sharoitlar, ovqatlantirish jarayonining sanitariya-gigiyena talablariga muvofiqligi, oziq-ovqat mahsulotlari va ichimlik suvining sifati va xavfsizligi, bolalar sog‘lig‘ini kundalik nazorat qilish va tibbiy xizmat ko‘rsatish holatlari o‘rganildi.