🏛 Xalq deputatlari Shovot tumani Kengashi deputati Dushamov Elyor Shuxrat o‘g‘li tomonidan Hududgaz Xorazm gaz ta’minoti filiali “Shovottumangaz” bo‘limi boshlig‘i I. Otajanov nomiga deputat so‘rovi yuborildi.
📍 Deputatlik uchrashuvlari davomida Shovot tumani Navro‘z mahallasidagi Navo 2-tor, Navo 3-tor, Navo 1-berk hamda Yangi Zamin 1-berk ko‘chalari aholisi tomonidan joriy yilning 28-aprel kunidan buyon suyultirilgan gaz yetkazib berilmayotgani yuzasidan murojaatlar bildirildi.
⚠️ Mazkur holat fuqarolarning haqli e’tirozlariga sabab bo‘lib, ularning kundalik turmushida qator noqulayliklarni keltirib chiqarmoqda.
📄 Deputat so‘rovida:
✅ Suyultirilgan gaz ta’minotidagi uzilish sabablari;
✅ Gaz yetkazib berishni tiklash bo‘yicha amalga oshirilayotgan ishlar;
✅ Muammoni bartaraf etish muddatlari haqida batafsil ma’lumot taqdim etish so‘ralgan.
⏳ Shuningdek, amaldagi qonunchilikka muvofiq, mazkur deputat so‘roviga 10 kun muddat ichida javob berilishi talab etilgan.
⚖️ Eslatib o‘tamiz, deputat so‘rovlarini ko‘rib chiqmaslik yoki belgilangan muddatlarda javob bermaslik qonunchilikda belgilangan tartibda javobgarlikka sabab bo‘ladi.
🤝 Xalq manfaatlari va fuqarolar murojaatlarini hal etish deputatlik faoliyatining ustuvor yo‘nalishlaridan biridir.