🛡 Shaxsiy ma’lumotlaringizni himoya qilish — har bir fuqaroning huquqi

O‘zbekiston Respublikasining “Shaxsga doir ma’lumotlar to‘g‘risida”gi O‘RQ-547-sonli Qonuni fuqarolarning shaxsiy hayotiga aralashishdan himoyalanish huquqini ta’minlashga xizmat qiladi.

✅Bu muayyan jismoniy shaxsga taalluqli bo‘lgan, uni identifikatsiya qilish imkonini beruvchi ma’lumotlardir (masalan: F.I.Sh., pasport ma’lumotlari, manzili, biometrik ma’lumotlari, telefon raqami va h.k.).

🔅Rozilik prinsipi:

Sizning shaxsga doir ma’lumotlaringizni to‘plash, qayta ishlash va saqlash uchun albatta sizning roziligingiz olinishi shart (qonunda belgilangan ayrim holatlar mustasno).

🔅Ma’lumotlarning maxfiyligi:

Ma’lumotlaringizni to‘playotgan tashkilot (operator) ularning maxfiyligini va ruxsatsiz foydalanishdan himoyalanganligini ta’minlashi shart.

🔅Axborot olish huquqi:

Siz o‘z ma’lumotlaringiz qayerda saqlanayotgani, kimga berilgani va nima maqsadda foydalanilayotgani haqida axborot olishga haqlisiz.

🔅Ma’lumotlarni o‘chirish yoki tuzatish:

Agar shaxsiy ma’lumotlaringiz noto‘g‘ri bo‘lsa yoki ularni qayta ishlashga bergan roziligingizni qaytib olsangiz, tashkilot ushbu ma’lumotlarni tuzatishi yoki o‘chirib tashlashi shart.

✅Bu nima uchun muhim?

Ushbu Qonun shaxsiy ma’lumotlarning sizning ruxsatingizsiz tarqalib ketishining oldini oladi, kiberjinoyatchilikdan himoyalanish imkonini beradi va inson huquqlari ustuvorligini ta’minlaydi.

✅Shaxsga doir ma’lumotlar to‘g‘risidagi qonunchilikni buzganlik uchun ma’muriy va jinoiy javobgarlik choralari belgilangan.