Kattaqo‘rg‘onda ekoturizmni rivojlantirish yo‘lidagi muhim loyihalar o‘rganildi.

Xalq deputatlari Kattaqo‘rg‘on shahar Kengashi raisi Sh.Urakov hamda Kengash kotibiyati mudiri N.Xakimov Kattaqo‘rg‘on shahrida turizm sohasini rivojlantirish borasida amalga oshirilayotgan ishlar bilan yaqindan tanishdi.

Xususan, “KBR NATURE RESORT COMPLEX” MChJ tomonidan Kattaqo‘rg‘on suv ombori sohilida uzoq yillar davomida qarovsiz holatda qolgan 8,8 gektar maydondagi dam olish maskanini davlat-xususiy sheriklik asosida madaniyat ekoturizm klasteriga aylantirish loyihasining amalga oshirilishi ko‘zdan kechirildi.

🏗 Loyihaning birinchi bosqichida:
✅ 40 milliard so‘m investitsiya kiritilishi;
✅ 70 ta yangi ish o‘rni yaratilishi;
✅ 20 tadan ortiq savdo va xizmat ko‘rsatish obyektlari tashkil etilishi belgilangan.

🏨 Ikkinchi bosqichda esa loyiha yanada kengaytirilib:
🔹 200 o‘rinli zamonaviy mehmonxona;
🔹 100 o‘rinli kurort-sanatoriya tipidagi dam olish maskani;
🔹 500 o‘rinli amfiteatr majmuasi barpo etilishi rejalashtirilgan.
🌳 Shuningdek, namunaviy landshaft dizayni asosida 4 gektar maydonda yashil belbog‘ barpo etilib, mevali va manzarali daraxtlar ekish, hududda manzarali hamda sayroqi qushlar uchun tabiiy muhit yaratish ko‘zda tutilgan.

Mazkur loyiha Kattaqo‘rg‘on shahrining turizm salohiyatini yanada oshirish, yangi ish o‘rinlarini yaratish, zamonaviy dam olish infratuzilmasini shakllantirish hamda hududning ekologik jozibadorligini yuksaltirishga xizmat qiladi.

📍 Xalq deputatlari Kattaqo‘rg‘on shahar Kengashi tomonidan ushbu istiqbolli loyihaning amalga oshirilishi doimiy nazorat va e'tiborda bo‘lib, uning sifatli hamda o‘z vaqtida yakunlanishiga alohida ahamiyat qaratilmoqda.