KORXONALAR FAOLIYATINI RIVOJLANTIRISH YO‘LIDA

Kattaqo‘rg‘on shahar hokimi, Xalq deputatlari Kattaqo‘rg‘on shahar Kengashi deputati Gavhar Alimova tomonidan shahar sanoat shtabi a’zolari bilan birgalikda korxonalar faoliyati o‘rganilmoqda.

Ushbu o‘rganishlar doirasida bugun, shahar hokimi mas’ullar hamrohligida shahar hududida joylashgan "JASURBEK ZUXRIDDIN" MChJ faoliyatini o‘rgandi.

Mazkur korxona un va un mahsulotlari ishlab-chiqarishga ixtisoslashgan bo‘lib, bugungi kunda bu yerda 24 nafar ishchi-xodimlar faoliyat yuritmoqda. Hozirgi kunda korxona tomonidan ishlab-chiqarilgan un mahsulotlari qo‘shni tumanlar va boshqa viloyatlarga buyurtma asosida yetkazib berilmoqda.

O‘rganish davomida ishlab-chiqarish jarayonlari, ishchi-xodimlarga yaratilgan shart-sharoitlar ko‘zdan kechirilib, korxona faoliyatini yanada kengaytirish bo‘yicha fikr almashildi.