MAHALLIY BYUDJET DAROMADLARI VA SOLIQ TUSHUMLARI HOLATI O‘RGANILDI.

Xalq deputatlari Kattaqo‘rg‘on shahar Kengashining 4-Abdulxamid Majidiy saylov okrugi deputati N.Xakimov tomonidan shahar mahalliy byudjeti daromadlari bajarilishi holati yuzasidan o‘rganish ishlari olib borildi.

O‘rganish davomida mahalliy byudjet daromadlarining ijrosi, daromad prognoz ko‘rsatkichlarining bajarilishi hamda qo‘shimcha rezerv manbalarini aniqlash bo‘yicha amalga oshirilayotgan ishlar atroflicha tahlil qilindi.

Shuningdek, soliqlar va boshqa majburiy to‘lovlar kesimida byudjetga hisoblangan mablag‘lar hamda amalda tushgan to‘lovlar holati, mavjud ko‘rsatkichlar va ularning ijrosi yuzasidan mas’ullar bilan muhokamalar olib borildi.

Ayniqsa, soliq qarzdorligini kamaytirish, tushumlarni o‘z vaqtida undirish, qo‘shimcha imkoniyatlardan samarali foydalanish hamda byudjet barqarorligini ta’minlash masalalariga alohida e’tibor qaratildi.

Mutasaddilar bilan bo‘lib o‘tgan muloqot davomida mavjud muammolar, ularni bartaraf etish choralari hamda byudjet daromadlarini oshirish bo‘yicha takliflar bildirildi.

O‘rganish yakunlari bo‘yicha iqtisodiy barqarorlikni mustahkamlash, byudjet tushumlarini ko‘paytirish va soliqlar yig‘iluvchanligini oshirish yuzasidan tegishli tavsiyalar berildi.

Mahalliy byudjet daromadlarini barqaror ta’minlash va hudud rivojiga xizmat qiluvchi manbalarni kengaytirish — doimiy nazoratda.