Dasturlar ijrosi deputatlar nazoratida

Xalq deputatlari Samarqand viloyati Kengashi deputati M. Sayfiddinova, Toyloq tumani Kengashi deputati N. Akramova hamda tuman Kengashi kotibiyati mutaxassislari tomonidan “Ilmobod” mahallasida o‘rganish ishlari olib borildi.

✍️O‘rganish davomida O‘zbekiston Respublikasi Prezidentining PQ-392-sonli qarori asosida hududda amalga oshirilayotgan keng ko‘lamli infratuzilma, obodonlashtirish hamda ichki yo‘llarni ta’mirlash ishlari bilan yaqindan tanishildi.
Shuningdek, mahalladagi “O‘rmon xo‘jaligi” faoliyati, hududda olib borilayotgan ko‘kalamzorlashtirish ishlari va dorivor o‘simliklar plantatsiyalarining holati ham ko‘zdan kechirildi.

📌 O‘rganishlardan asosiy maqsad — mahalladagi ichki yo‘llar, infratuzilma obyektlari va obodonlashtirish ishlarining sifatli amalga oshirilishini ta’minlash, aholi uchun yanada qulay va munosib yashash sharoitlarini yaratishga ko‘maklashishdan iborat.

🔘 Hududlarni obod qilish, aholi manfaatlariga xizmat qiladigan loyihalar ijrosini nazorat qilish va mavjud masalalarni joyida o‘rganish borasidagi ishlar izchil davom ettirilmoqda.