Xalq deputatlari Qiziriq tumani Kengashi huziridagi Ekspert guruhi yig‘ilishi bo‘lib o‘tdi

Xalq deputatlari Qiziriq tumani Kengashining 2025-yil 7-apreldagi VII-8-54-8-113-K/25-son qarori asosida tashkil etilgan tuman Kengashi huzuridagi ekspert guruhining navbatdagi yig‘ilishi bo‘lib o‘tdi.

Yig‘ilishda xalq deputatlari tuman Kengashi faoliyatining samaradorligini oshirish, Kengash tomonidan qabul qilinayotgan qarorlarning mazmun-mohiyatini chuqur tahlil qilish hamda ularning ijrosini ta’minlash bilan bog‘liq masalalar muhokama qilindi. Shuningdek, hududni ijtimoiy-iqtisodiy rivojlantirish, aholi bandligini ta’minlash, tadbirkorlikni qo‘llab-quvvatlash, fuqarolar murojaatlarini o‘z vaqtida va sifatli ko‘rib chiqish hamda mahallalarda mavjud muammolarni bartaraf etish bo‘yicha amalga oshirilayotgan ishlar yuzasidan fikr almashildi.

Ekspert guruhi a’zolari tomonidan tuman hayotidagi dolzarb masalalar atroflicha tahlil qilinib, ularni hal etish, aholining turmush darajasi va farovonligini yanada oshirish, mahalliy Kengash va tegishli tashkilotlar hamkorligini mustahkamlash yuzasidan qator taklif va tavsiyalar bildirildi.

Yig‘ilish davomida mahalliy vakillik organlari faoliyatiga jamoatchilik va mutaxassislarni keng jalb etish, qarorlar loyihalarini puxta ekspertizadan o‘tkazish hamda qabul qilinayotgan qarorlarning amaliy natijadorligini oshirish masalalariga alohida e’tibor qaratildi.

Yig‘ilish yakunida kun tartibidagi masalalar yuzasidan tegishli tavsiyalar qabul qilinib, kelgusida amalga oshiriladigan ustuvor vazifalar belgilab olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram