Andijon shahridagi bir qator piyodalar svetoforlari tungi vaqtlarda ham odatiy ish rejimida faoliyat yuritayotgani fuqarolar tomonidan ko‘plab e'tirozlarga sabab bo‘lmoqda.

Kechki va tungi soatlarda transport va piyodalar oqimi keskin kamayishiga qaramay, svetoforlarning avvalgi tartibda ishlashi haydovchilar va fuqarolarning ortiqcha vaqt yo‘qotishiga, transport vositalarining asossiz to‘xtab turishiga olib kelmoqda.

Mazkur masala yuzasidan deputat so‘rovi yuborildi.

So‘rovda ushbu svetoforlarning tungi vaqtdagi ish rejimini qayta ko‘rib chiqish, transport oqimini o‘rganish hamda zaruratdan kelib chiqib sariq miltillovchi rejimga o‘tkazish imkoniyatlarini tahlil qilish so‘ralgan.

Fuqarolarimizning murojaatlari va takliflari doimiy e'tiborda bo‘lib, ularni hal etish yuzasidan tegishli tashkilotlar bilan hamkorlikda ish olib boriladi.