«МӘҲӘЛЛЕ ЖЕТИЛИГИ» АҒЗАЛАРЫ МЕНЕН УШЫРАСЫЎ ӨТКЕРИЛДИ

❗️Мәҳәллелердеги социаллық-экономикалық жағдайды жақсылаў, халықтың мүрәжатлары менен ислесиў ҳәм аймақты раўажландырыўда «Мәҳәлле жетилиги» ағзаларының орнын арттырыў мақсетинде Халық депутатлары Шымбай районлық Кеңеси депутатлары «Кеңес» АПЖ аймағында болды.

♻️ Илажда Халық депутатлары Шымбай районлық Кеңеси секретариаты баслығы М.Зарикеев, ӨзХДП депутатлық топары ағзасы А.Утепбергенова, Кеңес жанындағы Жаслар мәсләҳат топары ағзалары ҳәм «мәҳәлле жетилиги» ағзалары қатнасты.

Илаж даўамында «Мәҳәлле жетилиги» ағзаларының алып барып атырған жумыслары көзден өткерилип, тараўлар бойынша жумысты халық мәпине сай шөлкемлестириўге қаратылған керекли пикир ҳәм усыныслары тыңланды. Сондай-ақ, аймақта анықланған машқалаларды қысқа мүддетлерде сапалы шешиў ҳәм халықтың жасаў шараятларын буннан да жақсылаў бойынша ислениўи керек болған тийкарғы ўазыйпалар белгиленди ҳәм бул бағдардағы жумыслар депутатлық қадағалаўына алынды.