Qonunlar ijrosi deputat nazoratida

Xalq deputatlari Kattaqo‘rg‘on shahar Kengashining 9-Maxtumquli saylov okrugi deputati N.Salohiy tomonidan Ingichka qo‘rg‘onchasida joylashgan 3-oilaviy poliklinika faoliyati o‘rganildi.

O‘rganish jarayonida O‘zbekiston Respublikasi Prezidentining 2024-yil 23-sentabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi PQ-330-son qarori hamda sohaga oid boshqa qonunchilik hujjatlari ijrosini ta’minlash borasida amalga oshirilayotgan ishlar bilan yaqindan tanishildi.

Shuningdek, poliklinikada aholiga ko‘rsatilayotgan tibbiy xizmatlar sifati, yaratilgan sharoitlar, mavjud muammolar va ularni bartaraf etish yuzasidan olib borilayotgan ishlar muhokama qilindi.

Qonunchilik hujjatlari ijrosini samarali tashkil etish, aholiga sifatli tibbiy xizmat ko‘rsatish hamda mavjud muammolarga o‘z vaqtida yechim topish masalalari deputat nazoratida ekani ta’kidlandi.