2026-yil 18–23-may kunlariga mo‘ljallangan ish rejaga asosan Andijon shahar “Yaxshi” MFY hududida “Mening bog‘im” loyihasi asosida barpo etilishi rejalashtirilayotgan yashil bog‘ uchun ajratilgan yer maydoni joyiga chiqib o‘rganildi.

Loyiha doirasida:
ko‘p yillik daraxtlardan iborat yashil jamoat parki tashkil etish, aholining maroqli dam olishi uchun zamonaviy o‘rindiqlar o‘rnatish, hududni obodonlashtirish ishlari amalga oshirilishi rejalashtirilgan.

Shuningdek, mazkur loyiha bo‘yicha manzilli ro‘yxat tasdiqlangani ma’lum qilindi.

O‘rganishda: Suv xo‘jaligi va ekologiya masalalari bo‘yicha doimiy komissiya raisi U.Shokirov, Korrupsiyaga qarshi kurashish va xavfsizlik masalalari bo‘yicha doimiy komissiya raisi A.Appaqov, Kengash kotibiyati mutaxassislari Sh.Yusupov hamda O.Olimjonov, Andijon shahar Ekologiya bo‘limi boshlig‘i M.Mo‘minov ishtirok etdi.

Mazkur yashil bog‘ uchun rejalashtirilayotgan yer maydoni navbatdagi sessiyada ko‘rib chiqilishi belgilandi.