Xalq deputatlari Paxtakor tumani Kengashi 2-Guliston saylov okrugi deputati I.Yakubov Buyuk Ipak yo‘li mahallasida bo‘lib, fuqaro bilan uchrashdi va uning murojaatini joyiga chiqib o‘rgandi.

Uchrashuv davomida fuqaro tomonidan ko‘tarilgan masala atroflicha tinglanib, muammoni ijobiy hal etish yuzasidan amaliy choralar belgilandi. Deputat murojaatni o‘z nazoratiga olib, uni bartaraf etish maqsadida tegishli mutasaddi tashkilotlar bilan hamkorlikda ish olib borishini ma’lum qildi.

Shuningdek, murojaatning qonunchilik doirasida o‘z vaqtida va samarali hal etilishini ta’minlash yuzasidan zarur tashkiliy ishlar amalga oshirilishi ta’kidlandi. Fuqaroning murojaati ijrosi deputat nazoratida bo‘lib, uning yechimi bo‘yicha amaliy ishlar davom ettiriladi.