Parklar, xiyobonlar va bog‘lar holatini o‘rganish maqsadida tuman Kengashi kotibiyati mudiri X.Berdiyarova, deputatlar A.Odilov hamda X.Jo‘raxolovlar ishtirokida tuman markazida joylashgan istirohat bog‘ida o‘rganish ishlari olib borildi.

O‘rganish davomida Xalq deputatlari tuman Kengashining 27-sessiyasida muhokama qilingan hamda istirohat bog‘ida sug‘orish tarmog‘ini barpo etish uchun ajratilgan 200,0 million so‘m mablag‘ ijrosi yuzasidan mas’ullar bilan muhokama o‘tkazildi.

Mas’ullar tomonidan ma’lum qilinishicha, hozirgi kunda sug‘orish tarmog‘ini barpo etish bo‘yicha loyihalashtirish ishlari olib borilmoqda. Loyiha hujjatlari yakunlangach, qurilish-montaj ishlarini yaqin kunlarda boshlash rejalashtirilgan.

Deputatlar tomonidan mazkur mablag‘larning maqsadli sarflanishi, ishlarning sifatli va o‘z vaqtida amalga oshirilishi yuzasidan tegishli tavsiyalar berildi hamda masala deputatlik nazoratiga olindi.