Fuqarolik jamiyati institutlari va davlat organlari o‘rtasida ochiq muloqot tashkil etildi.

💠Viloyat hokimligi, xalq deputatlari viloyat Kengashi huzuridagi jamoat komissiyasi, viloyat Kegnashi deputatlari, viloyat adliya boshqarmasi, Oliy Majlis huzuridagi fuqarolik jamiyati institutlarini qo‘llab-quvvatlash jamoat fondining viloyat bo‘limi, O‘zNNTMAning Samarqand viloyati bo‘linmalari hamkorlikda fuqarolik jamiyati institutlari vakillari ishtirokida viloyat adliya boshqrmasida ochiq muloqot tashkil etildi.

♾Ushbu tadbirni Jamoat komissiyasi raisi F.Toshev olib bordi. ochiq muloqotda viloyat hokimligidan S.Baymurodov viloyat adliya boshqarmasi boshlig‘i o‘rinbosari M.Kurbonov hamda 23 ta davlat tashkilot rahbar xodimlari, 210 nafar fuqarolik jamiyati instituti vakillari ishtirok etishdi.

✅Ochiq muloqot davomida hududda ijtimoiy ahamiyatga ega loyihalarni amalga oshirish, aholi bandligini ta’minlash, xotin-qizlar va yoshlarni qo‘llab-quvvatlash, ekologik muammolarni hal etish hamda jamoatchilik nazoratini kuchaytirish masalalari yuzasidan fikr almashildi.